高鐵插水

按照唐英年準特首的說法，大陸高鐵今舖算係剛愎自用，勇往直前，​結果……車毀人亡。阿門。

講真，今次高鐵飛出軌，反而證明大陸科技日新月異，獨步全球，火車安全到無倫。

數字不會騙人。今次四卡車插水落橋，結果死得三十幾人。大陸政府而家好透明，佢話死咁多就係死咁多，唔會吹水（Titan真係信，唔係反話）。就算計埋之後幾個月傷重死亡，應該唔會超過100人，即係每卡平均死唔夠25個。

移形換影，如果香港地鐵由荔景去葵芳一段，八卡車飛咁四卡落留下葵涌道，你估止唔止死一百？香港地鐵一卡可載三百幾，算你十分一滿（好少咁少人），都有30人。以前屯門公路一落雨就撞車，飛車落海／山，通常係一架十四座死咁十二三個。而家高鐵卡只係死10-25個（下限／上限），就算坐得30人，死亡率低到離哂譜。我地可以有兩個結論：

1. 大陸高鐵全世界最安全，飛車插水都唔會點死人

2. 大陸高鐵根本冇乜人搭，死哂都只得幾丁

所以，下次俾鬼佬問你中國高鐵安唔安全，愛國愛黨人士可以答：

1. 安全！飛車都唔死人

2. 冇相干！反正冇人搭